Union DonER Minister Dr.Jitendra Singh chuan Lok Sabha-a rorel inkhawm neih mekah india hmarchhaka awmte chuan CoViD-19 hri leng mek beih letna turin sum an hmu tha tawk tih a sawi.
Lok Sabha-a ziaka zawhnaa a chhannaah Dr Singh chuan Union Health Ministry-in hmarchhak state-te hman turin kum 2019-20 chhungin Rs. Vbc 111.34 a pek chhuah thu a sawi.
Assam bik tan pawh National Health Mission hnuaiah Rs.Vbc 72.53 pek a nih thu sawiin heng sum hi Covid-19 buaipui nan leh khuahkhirh nana hman a nih thu Dr.Singh chuan a sawi.
Tangka kum 2020-21 chhung pawhin hmarchhak tan hian Rs. Vbc 265.96 pek chhuah a nih thu leh Assam tan bik India COVID-19 Emergency Response & Health System Preparedness Package atangin Rs.Vbc 180.04 pek a nih thu a sawi bawk.
DoNER ministry chuan North East Special Infrastructure Development Scheme (NESIDS) hnuaiah Rs.Vbc 193.32 senna tur, Arunachal Pradesh, Assam, Meghalaya, Mizoram leh Nagaland-a thawh tur panga zet pek tura ruahman a nih thu a sawi a. Heng sum hi damdawi in hmanrua tihchangtlunna tura tih a nih thu a sawi bawk.
Heng hna thawh tur panga atana sum zinga Rs.Vbc 77.33 chu ministry-in state sorkar hnenah pek a ni tawh tih DoNER minister chuan a sawi bawk
Post a Comment