February 16, 2023 (Rauthla) : Vawiin khan MZP General Headquarters chuan, MZP Executive Meeting rorel bawhzuiin India President Pi Droupadi Murmu hnenah Governor kaltlangin Mizoram University Vice Chancellor chungchangah momorandum a thehlut.
MZP chuan Mizoram a zirna-in sang ber Mizoram University a hotu lu ber Vice Chancellor thlanna kawngah hian Central University Act 2009-in a sawi anga, Vice Chancellor nih theih hun chhung kum nga (5) lo ni tawhte thlang nawn tawh lo turin India President leh Mizoram University Visitor ni bawk Pi Droupadi Murmu a ngen a. He ngenna lehkha (Memorandum) hi Mizoram Governor kaltlanga pek niin, Governor hi a zin lai a nih avangin a aiawhin Governor to Secretary-in a lo dawng a ni.
Mizoram University Vice Chancellor Prof. KRS Sambasiva Rao chuan MZU-ah a term hmang zovin nikum 2022 November khan Mizoram University a lo chhuahsan tawh a. He a hmun ruak hi Prof. Pravakar Rath chuan Acting Vice – Chancellor niin tunah hian a hmun a luah mek a. Vice Chancellor diltu tam tak an awm mek tih hriat a ni bawk.
Post a Comment