February 16, 2023 (Rauthla) : MPYCC chuan District Institute of Education and Training (DIET) hnuaia Mizoram District hrang hranga thawktu mi 217 ten thla thum chhung hlawh an la tawh lo chu pawi an tih thu leh a rang thei ang bera an hlawh a batsakte pe turin Mizora sorkar an phut thu an sawi.
Vawiina Congress thalai thuchhuaha tarlan a nih danin, DIET hi District pariatah hawn a ni a, tunah hian thawktu Group A-ah mi 118, Group B-ah mi 99 an awm mek a. Nikum 2022 November leh December thla hlawh bakah kumin January 2023 hlawh hi an la la lova, hundangah pawh an hlawhte hi an la mumal lo fo thin a ni.
Congress thalai chuan, "DIET-a thawkte hi zirtirtute training petu pawimawh tak an nih avangin thlamuang taka training te an buatsaih hi MPYCC chuan kan duh takzet a. Chutih laiin hlawh lak theih loh avanga harsatna an tawh hian zirtir hna an thawhnaah nghawng tha lo a thlen kan hlau hle a. Mizoram Sawrkarin sum a enkawl thiam loh avanga heng harsatnate hi a lo thleng chho zel a ni tih hi MPYCC tena kan ngaih dan a ni a. Thla thum chhung lai mai DIET hnathawktu tena hlawh an la lo hi Mizoram Sawrkar chak loh vang liau liau a ni" an ti.
Post a Comment