February 10, 2023 (Rauthla) : Pu PP Thawla, Ex-Minister, NCC member MNF Gen.Hqrs. chuan, MNF sitting MLA zingah an khingpuite hnehlo tur anga ngaih theih an awm lo, a ti a. Tunlai chhimlam politics virvelah, MNF atanga mi thahnem tak bang anga sawi ni mahse, Siaha bial hi MNF tan bial huphurhawm a ni lo, a ti.
Vawiina Siaha-a MNF Hnam Runa chhung inkhawm leh mithar lawmluhna inkhawm an neihah, Pu PP Thawla chuan, "development sum lokal mek leh lokal zel tur avang leh SEDP vangin MNF hi a sorkar leh ngei a rinawm a ni" a ti a. MNF hi hnam party awmchhun leh hlun ber a ni a, MNF nih hi a hahdamthlak hle, a ti a. Pathian leh kan ram tan, tih hi a taka kengkawh zel turin kalkhawm mipuite chu a fuih bawk.
Pu PP Thawla chuan, "High School Headmaster atangin a chhelai siamthatu nih tumin politics ah ka lut a. Politics hi mi thenkhatin infiamna bawlhhlawh ti thin mahse, Pathian leh ram rawngbawlna a ni tih ka hria a ni. Chuvangin, Pathian leh kan ram tan, tih thupuia neitu ngei MNF hi inthlahrung hauhloin ka zawm ta reng a ni, " a ti.
Pu Vanlalzawma, Vice President, MNF chuan mitharte hi a lawmlut a ni.
Post a Comment