Rauthla 03.02.2023 : Information and Public Relations Department leh Mizoram Film Forum te buatsaih Film siamtute intuaitharna One Day Refresher Course for Filmmakers' chu vawiin ni 3.2.2023 khan I&PR Auditorium, Treasury Square, Aizawlah neih a ni a.

He intuaitharna hi Pu C.Lalnunkima, MIS, Director, Information and Public Relations Department chuan Khuallian niin a hawng a ni.

Pu C.Lalnunkima, MIS, I&PR Director chuan, "Covid 19 avanga hun rei tak hma lak a nih theih loh lai pawha film siamtuten thahnemngai taka hma in lakna hi Nodal Department kan nih angin ngun takin ka lo thlir reng a. Hmasawnna leh hlawhtlinna in nei chho zel tih kan hmuh hian kan lawm em em a ni," tiin "Visual Development bikah hian sum tlemte chauh awm thin mah se awmze neia hman thin a nih avangin tihpun a nih theih dan tur te kan dap mek a, fei takin hma lam lo pan zel ang che u," a ti.

Hawnna inkhawm hi Pu Lalawmpuia Khiangte, Chairman, Mizoram Film Forum chuan a kaihruai a, Refresher Course-ah hian resource person atan Pu Lalsawmliana Pachuau, Director, LPS Vision Productions, Pi Vanlalzari, Legal Consultant, National Tobacco Control Programme (NTCP), Pu Lalremruata, State Consultant, National Tobacco Control Programme (NTCP) leh Pu C.Lalremruata, CEO, Runmawi Apps te hman an ni.

Chawhnu dar 3:30 khan Certificate sem niin Pu Aldrin Zosangliana, Vice Chairman, Mizoram Film Forum chuan lawmthu sawiin hun hi a khar a ni.

Post a Comment

Powered by Blogger.