ZPM SOUTHERN HQRS LUNGLEI : PRESS RELEASE

MITHAR MI 69 IN ZPM ZAWM THAR

 Dr. Kenneth Chawngliana Vice President ZPM General Hqrs, Aizawl leh a team te chuan Southern Hqrs huam chhung hmun thenkhat an fang a, heng khua Haulawng, Lunglei, Leite, Hnahthial, Thiltlang, Pangzawl leh Rawpui khua ah te hian hun hmang-in Block leh unit hruaitu ten anlo dawngsawng a, ei in tuihnai tak leh riahna tur anlo buatsaih sak a ni.

 Heng khaw hrang hrang an kal naah hian Thiltlang khuaah mi 48 leh Rawpui-ah mi 21 te chu ZPM-ah lawmluh an ni.

Congress - 49,             MNF - 16,            Neutral - 4           Total - 69

        Heng mithar te hi Dr. Kenneth Chawngliana Vice President Gen. Hqrs, Aizawl chuan ZPM-ah lawm takin a lawmlut a. Lawmluh zingah hian Congress hruaitu hlun VCP term hnih lai lo chelh tawh leh Cong hruaitu hlun tak takte bakah MNF unit hruaitu atangin Adviser ni lai mek leh Unit hruaitu dinhmun chelh lai mek te pawh an tel a ni.

        Heng khaw hrang hrang an kalna-ah hian Dr Kenneth Chawngliana Vice President General Hqrs, Aizawl chuan thusawiin " Kan duh ang leh beiseina neiin Sorkar kan thlang thin a, mahse hmasawnna hnathawh tak tak leh Thangthar te tan ro-tling hna thawh hmuh tur a awm leh silo, Central Sorkar atangin hmasawnna hna tamtak min thawhsak a, kan chanpual kan hna ve erawh a tha leh silo." a ti a. "Kan ram neihchhun hi kan enkawl thiam danah a in nghat a, kan Thalai te Media khawvelah an cheng tawh a, ramdang an thlir a, an hmu bawk, rual an awt em em a, kan Sorkar-ah an beidawng a, MNF nilo Congress nilo Sorkar thar hi an duh tawh, Zoram mipui tam zawk hian 'Change' hi kan duh tawh a ni." a ti.

      Vice President chuan "MNF Party pawhin Policy tha tak chu an nei a, a hlawhtlinna lamah an hnathawh hmuh tur a awmlo ani" a ti a, "Keini chuan kan Policy hi Vote zawn nan mai mai kan siam lova, kan hnathawh tur te kan ziahna'n a kan siam a ni" a ti bawk. "Tlin leh tum Policy ringawtin min kalpui rei tawh, Khawvel a changkang zel a, 21st Century kan chuangkai tawh chung pawhin Chem leh Tuthlawh nen bak eizawn ngaihna kan la hrelo,  kan hruaitute dikloh vang a ni." a ti bawk.

          Pu Kenneth-a chuan a sawi zelnaah, "Kan Lal ve nan ringawt Kalphung thar hi kan au anih chuan midang kan duhloh hnu te ang tho kha kan ni ang." a ti a. ZPM chuan a hausa sâ pek belh vak vak aiin mirethei zawkte chawikan hi kan tum ber tur a ni. Sawi ringawtah hmasawnna a awmlo a, keini chuan a taka thawk turin kan penchhuak dawn a ni." a ti a. " Sem policy-ah changkanna a awmlo a, Vote zawn na'n chiah an hmang a ni." a ti bawk.

         Southern Hqrs Vice President Pu V. Malsawmtluanga (Msta) pawhin thusawina hun a hmang a, 'Mi tha leh mi ropui tan pawh Politics thli beng loh lama awm chuan hmalak in tawp chin a nei a, tlin theih loh tluk a ni a, ram rawngbawl aharsa a ni, tunah chuan Pathian leh mipui zarah Zoram Politics thli ZPM lamah a tleh mek a, tun ai nasa hian ala tleh zel dawn a, a thli beng na lamah mi thiam tak tak leh mi tha tak tak te pawh lo lut zel tur turin a sawm a, hemi boruak a lo lut hmasa te hnenah lawmthu a sawi bawk a ni.

            Pu Kenneth Chawngliana Vice President ZPM Gen. Hqrs, Aizawl hi Gen. Hqrs Frontal hruaitu ten an tawiawm a, Pu KL Remsiama Vice President Upa pawl comittee. Pi Saizikpuii Sailo Zonu secy. leh Pi Lalnunsangi General Secretary Thalai Gen. Hqrs ten tawiawm a ni. Southern Hqrs atangin Vice President Pu V. Malsawmtluanga leh ZPM Southern Hqrs Media ten an tawiawm a ni.



sd/-

 

(C.LALRAMROPUIA)

Secretary

Media, Information & Publicity.

ZPM Southern Hqrs, Lunglei


No. 54 of PR/ZPMSL/2022-2023                                    Dated, Lunglei : The 3rd Feb 2023.

Post a Comment

Powered by Blogger.