Kum 32 mi hian tun season daih bak Old Trafford-ah hian contract a nei tawh lova, season tawpa free agent ni thei mai tawh a nih avangin ram dang club nen indawr theiin, pre-contract te pawh an ziak thei tawh.
De Gea hian United-a cham zel a duh thu a lo sawi tawh thina, United pawh hian chelh an tum niin a lang a, inremna pawh an neih har a rinawm tawh lo. De Gea chuan, “Kan la indawr mek zela, tha takin kan indawrna hi a tawp dawn tih ka chiang,” tiin contract thar chungchanga zawhna a chhang.
United hian kum 2012 khan Atletico Madrid atangin De Gea hi an lei a, a manah pound maktaduai 18.9 sengin, De Gea hi a hunlaia British club-in goalkeeper an lakluh man to ber a ni pha nghe nghe. Spanish keeper hi United-ah kum 12 dawn a awm tawh a, Red Devils tan hian game 517 lai a khel tawh a ni.
Edwin van der Sar thlak tura United in an lakluh De Gea hi United si ban nghaktu rinrawl a ni chho ngar ngar a, Manchester United Player of the Year atan vawi li lai thlan a ni tawh a, kum 2017-18 season khan Premier League Golden Glove lawmman a dawng tawh bawk a ni.
Post a Comment