District Hospital, Lawngtlaia Doctor sawn chhuahna order chu Health Minister hnen ah sutturin Central Young Lai Association chuan a ngen.
Doctor dangte sawnkual an nih rualin District Hospital, Lawngtlaia a thawk Dr.Paul Lalchungnunga chu Chhuarlung PHC ah sawn a ni a, sawnna Order hi February 3, 2023 khan tihchhuah niin, Doctor sawn chungchangah hian Lawngtlai District a Tlawmngaipawl lianber Central Youg Lai Association chuan nimin khan Health Minister hnen ah Doctor sawnna suttura ngenna an thawn.
Central YLA chuan Dr.Paul Lalnungnunga chu Lawngtlai District ah amah chauh Ultrasound khawihthei a ni a, District mipuiten an mamawh em em laia sawnchhuah a ni chu mipui hremna ang hial a an ngaih thu an sawi a, Lawngtlai District chu District hnufual, hriselna lam ah pawh enbik ngai reng niin, Doctor dahbelh tur a vawi engemawzat Sorkar an ngen laia, a thlaktu awmlova a awmsa lakchhuah a ni chu an ngaihthiamloh thute tarlangin, Dr.Paul Lalchungnunga sawnna order chu sutturin Central YLA chuan Health Minister hnenah hian an thawn a ni.
Post a Comment