Lawngtlai Nohawng ni 15, 2023 : Lawngtlai Zipeng thar a simi Pu David Lalthantluanga nih cun nihin khan Mizoram Journalists' Association (MJA) Lawngtlai District member pawl cu amah rianhmun (Office) ah rak leng dingin a sawm hna i, District ṭhancho nakding ca hmaithlak ding rian herhmi tete a ceihhmaipi hna.
Lawngtlai Zipeng nih Tadinca chuahtu hna cu khuatlang le ram ṭhanchonak ah a biapi tukmi an si i, lamding lei ah cozah a hruaitu an sinak kong le District Administration lei ah MJA lei he ṭuanṭinak ṭha a um ahcun District zong nih tampi in thanchonak lei ah kar a hlang kho lai tiah a chim. Lawngtlai District chung i zohkhenhnak le i ṭhithruainak kongkau le hmaithlak ding rian ummi hna a langhter i, District MJA Member pawl cu Lawngtlai District caah rianṭuanṭi ding in a sawm hna. Mizapi ca i a rianṭuannak ah le District ṭhanchoh nakding ca rianṭuannak ah a herhning in ruahnak i hrawmṭi ding in a nawl fawn hna.
Zipeng le District MJA Member le tonbiaruahnak ahhin Additional Deputy Commissioner Pu Abraham Beirazu Khithie le Lawngtlai District Information & Public Relation Officer Pu C.Lalhruaitluanga zong an i tel ve i. District MJA hna hi an President Pu Lalngheta Ralte nih a ṭhithruai hna i, Zipeng sin ahhin District MJA Patron a si ti theihternak ca le District MJA Welfare & Pension Rules Cauk le District MJA Muffler an pekchanh fawn.
District MJA hruaitu hna nih hin Zipeng (DC) thar le Additional DC thar cu Lawngtlai District ah an rak lawmh hna ti le District ṭhanchonak ah MJA nih cun cozah a ṭuanpi peng lai ti in an rak chimh. DC (Zipeng) hi District MJA rianṭuan ning le hmalaknak tlangpi an rak chimhruahpi fawn i, tukum Nohawng ni 8 le ni 9 khan Parva lei ah Bangladesh lei in rak zammi hna an tlawn hna nak kong le anmah caah hmaithlak ding rian i an duhnak tete hna an a sin ah an tlunh fawn.
Hi tonbiaruahnak caan ahhin Additional DC le DIPRO zong nih bia siaherh an chim ve i, rianhmai a kal khawh nakhnga lunglawm te in lakphakti din ṭinak caan an hmang.
Post a Comment