Lawngtlai, February 16, 2023 : Vawiin khan MPCC Action Committee buatsaihin Mizoram hmun hrang hrangah MNF Sorkar duh lohna leh Zoram Chhanchhuahna poster tar hnatlang a ruala neih a ni. Mizoram pumah poster 15,000 an tar niin MPCC thuchhuah chuan a tarlang.
He hmalakna hi Lai District Congress Committee chuan Lawngtlaiah kalpuiin, Lawngtlai khawpui chhung hmun hrang hrangah Poster an tar. Poster tar hmaa inkhawm tawi, Areopagy, Lawngtlaia buatsaihah Congress MDC Pu C. Lalmuanthanga chuan State Sorkar chu mipui tan phur rit a nih thute, mipui tana titura a intiam tihlawhtling hlei thei lo a nih thu te, ram leilung fate aia hnam dang duhsakna uchhuak tak a vur a nih thute sawiin, Sorkar dinglai chu kawng hrang hranga a kaldan enin, a hlawhchham a ni, a ti.
Post a Comment