Pu C.Hrangthianga chuan, Lawngtlai khawpui hi District dang khawpui te aiin thil man a to tih a ni fo thin a. Hemi anih avangin District Council pawhin theihtawp chhuahin hma a la thin a. Price Control Committee te pawh a din hial a, chu committee hmalakna chuan thil rate pawh tunah chuan a ziaawm chho viau tawh ani, a ti. Chutih laiin rate dik lo a, thil hralh chhuak kan la awm tih thawm a awm thin a. Hei hi mipui lam atangin rate dik lo a lei an awm anih chuan Price Control Committee ah complaint thin tur a ni, a ti bawk.
Pu C.Hrangthianga chuan, thil dik lo siamthat kan duh chuan kan tanrual a ngai a. Thil dik lo kan complaint hian misual angin lang mah ila, sorkar kan tanpui a, thil dik kan duh avang zawk ani tih hi mipuite’n kan hriat reng a tha a, chuvangin rate dik lova thil kan lei anih chuan complaint siam fo turin mipuite a chah bawk a ni.
Price Control Committee chuan Pu Lalmuansanga, Lawngtlai Chandmary in zikhlum a tharchhuah, Lawngtlai khawpui chhunga thlai zuartute hnena supply a rawn dilna chu pawm a ni a. Hemi anih avang hian Price Control Committee chuan, kut hnathawktute hlawkna tur ngaihtuahin Silchar atanga zikhlum lakluh thin chu thla thum chhung atan lakluh phal loh nise, an ti. Khaw tual mite’n an thlai tharchhuah te awlsam zawka an hralh theihna tur chu sorkarin a ngaihtuah sak zel dawn a ni.
Post a Comment