Diltlang, February 23, 2023 : Diltlang South bialtu MDC leh LADC a EM ni bawk Pu HC Lalthawmliana chuan nimin khan a bial chhung Diltlang South khua, ram nei lo mi 30 hnenah ram Hactare khat theuh a sem.

Pu HC Lalthawmliana hian mi harsa zawk, leilung behchhana eizawng, ram nei lo ten ram an neih ve theih nan hmalain,  Diltlang South huamchhungah kum kalta khan ram teh that hna ama hovin an tan a, ram neitu ten an  ram pass aia zau ram an valh  te zawngchhuakin, Pass in a huam bak chu Sorkarin chhinchiahin, leilung behchhana eizawng leh ram nei lo te hnen ah sem a ni ta a ni.

Ram semna ah hian Pu HC. Lalthawmliana chuan hun kal tawh thlir letin he Diltlang Bial hian vawi tam tak Ar Bawmah Sanghar kan lo lawi fo tawh thin a. Chung mite chuan kan ram leilung nasa taka suasamin, min lo rawk tawh thin a , mahni inhaivur nan te, chhung leh khat insiam len nan te an lo hmang a, chumi tilang chiang tur chuan tunah ngei pawh kan khaw ram leilung ngei pawh, khaw dang mi ramah a chang nual  a, tunah erawh thil inthlakthleng chho mek a ni a ti.

Post a Comment

Powered by Blogger.