February 23, 2023 (Rauthla) : MNF Thalai chuan thuchhuah siamin, vawiin ni 23rd Ferbruary 2023-a Assembly House bula ZPM Ṭhalai mi tlemte inhawrkhawmin Session tibuai zawnga bengchheng an siam duh mai hi MNYF Hqrs chuan a atthlak kan ti hle a. Thudik lang reng chung leh House chhungah meuh pawh ngaihdam dil a ni tawh chunga hetianga Session tibuai zawnga ZPM Ṭhalai mi tlemte in thil an ti duh mai hi Assembly House zahawmna tihbawrhban tumna ah MNF Ṭhalai chuan kan ngai a ni, an ti.
Vawiin thuchhuah an siamah, 8th Mizoram Legislative Assembly neih meka Kalphung thar min zawrhtu ZPM MLA-te'n Infiam mite tana hriat nuam lo khawpa Sports hmasawnna kan neihte mausama, nuihzat leh diriam taka an sawi fo hi sim tawh turin MNF Ṭhalaite chuan kan duh a. Aizawl South-II MLA-in Futsal chungchanga Medal pawh awm lo anga a sawi kha a hriat loh thlakin infiam mite deusawhna ah MNF Ṭhalai chuan kan ngai a, ngaihdam dil turin kan phut tlat bawk a ni. Tuiawm loh khawpa infiam mite tana hmasawnna awmte an sawi bawrhbang ṭhin leh infiam mite rilru an tih natna ah ngaihdam dil turin MNF Thalai chuan kalphung thar min zawrhtu ZPM Party-te hi kan phut tak zet a ni, an ti.
MNF Thalai chuan, Tunhnaia ZPM MLA-te leh an hotute Assembly chhung leh pawn lama an chet dan chu ‘beidawng leh chalchang zia’ a ni tih a chiang hle a. Assembly Session leh Press Conference-ah te Mimal, Private Company etc te politics tuinû hmanga an lam ri thla zen te hi Party dangin a nâzawnga an tih ngai loh “An kalphung thar zia” ah MNF Ṭhalaite chuan kan ngai a. ZPM a lo din ve hnu hian thudik tawk lo hmanga inbeihna Politics a hluar thar a, midang tinâ thei thudik lo Politics hi chu khel chhunzawm zel tawh lo turin MNF Ṭhalai chuan kan duhpui tak zet a ni, an ti bawk.
Post a Comment