Aizawl 07.02.2023: Pi Lalthangmawii,BJP Mizoram State General Secretary, New Delhi a cham mek chuan Pu Mansukh Mandiviya, Union Health Minister, Pu Ashwini Vaishnaw, Union Railway Minister leh Pu Kailash Choudhary, Union Minister of State for Agriculture te chu hmu in, Mizoram hmasawn dan turte leh mamawhte a sawipui.
Pi Lalthangmawi chuan Pu Ashwini Vaishnaw, Union Railway Minister chu a Office chamber ah hmu in, Mizoram a rel kawng sial mek chu a hun taka zawh anih theih nan chak zawka hma la turin a ngen a; he tih rual hian rel kawng sial in a paltlang ram neitu thenkhat ten compensation a harsatna an tawh mekte pawh Court a inkhin buai ngai lova chinfel dan zawng turin Minister chu a ngen a, Pu Ashwini chuan Railway Official chu a be nghal a ni.
Tin, Pu Mansukh Mandhiviya, Union Health Minister pawh a Office Chamber ah hmu leh in, Mizoram ah Central Medical College/Regional AIIMS din tur chungchang State President in alo thlen tawh chu sawipui leh in, tun kum 2023-2024 Budget a Central Sorkarin Nursing College 154 din tura ruahmanna a siam ah hian Mizoram ah a tlem ber ah Nursing College pathum (3) tal din a nih theih nan Ministers hi a sawi pui a, PM AYUSHMAN BHARAT Mizoram in a bawhzui that theih loh chungchang chu a sawipui a, Union Minister chuan Pi Thangmawii thil thlen chu chhinchhiahin, ngaihpawimawh a nih tur thu a hrilh bawk. Tin, Mizoram a Fertilizer Central Quata a allotment an pek thin dan leh Mizoram in an kalpui dan pawh Union Minister chu a sawipui bawk a ni.
He mi bakah hian Pi Thangmawii chuan Union Minister of State for Agriculture, Pu Kailash Choudhary chu a chenna in hmu in Mizoram a lo neitute harsatna hrang hrang sawipuiin, PM Kisan Niddhi leh a kaihhnawih din hmun te, FPO din hmun te, Agriculture Link Road chungchang te, Mizoram in leitha kan mamawh dan leh Central Quota atanga Mizoram Uria pek a nih dan te Union Minister of State Pu Kailash Choudhary chu a sawipui a. Union Minister chuan a PS hnenah Pi Lalthangmawii thuthlen te chu bawhzui chhunzawm turin a chhinchhiah tir bawk a ni.
Post a Comment