Lawngtlai, February 27, 2023 : Bharatiya Janata Party, Lai Autonomous District chuan DC&MA Department changtu Minister Pu R. Lalzirliana chu a department chan chawlhsan turin an phut.
BJP chuan "Mizoram Legislative Assembly Budget session neih mek 23.02.2023 a Cabinet Minister Pu R. Lalzirliana District Council& Minority Affairs Department enkawltu chuan Autonomous District Council (Lai,Mara, Chakma) ten Central atanga Direct funding kan beisei mek chungchangah,Ministry hmasa (Congress sawrkar) pawh khan "Lemang kan va der mai mai anih kha, vote zawn nan kan va hmang mai mai a, an ni ho hian an lo awi ve em em a, a ho tak tak ani" tia a sawi hi ADC Area mipui te deusawhna leh hmusitna a ni a, kan rilru a ti na hle a ni" an ti a. Minister-in he thu min deuhsawhna tawngkam a chhak chhuah lai a, MNF MLA rual ten kutbeng meuha an lo phurpui hmuh khan, ADC mipui te rilru ana vawng vawng a ni, an ti a. An ni p[awhin ngaihdam dil rawh se, an ti. Cabinet Minister Pu R. Lalzirliana hian ADC mipuite rilru a tina takzet a ni tih hriain, ngaihdam dil ngei rawhs, an ti.
BJP chuan "ADC Area awm mipuite hian dinhmun tha zawk a awm ve kan duh avangin hun rei tak tawh atang khan Direct funding kan lo beisei tawh thin a. He mi chungchanga ZPM Leader Pu Lalduhoma, MLA in House chhunga ZPM stand a sawi kha BJP Lai Autonomous District Hqrs: Lawngtlai chuan lawmthu a sawi a. Pu C. Ngunlianchunga MLA leh Dr. BD Chakma MLA ten ADC area tan theihtawpa thudik an puang chhuak kha lawmawm kan ti hle bawk a ni" an ti a. Pu R. Lalzirliana hian kum 10 chuang lai DC&MA Department enkawl tawh anga insawi siin, vawi khat ém pawh ADC te a la tlawhchhuak lo hi, DC&MA Department hi enkawl zui zel tlakah kan ngai lo a ni. Heng bakah hian tun MNF Sorkar hnuaiah hian ADC te development sum chengkhat mah pek/pun belh a ni lo te hi, DC&MA changtu Minister hian a department chan a enkawl hneh loh zia leh duhsak loh zia a lanna a ni. Chuvangin, Pu R. Lalzirliana hian a hmuhsit em em ADC Mipuite rilrunatna hi hriain, a enkawl mek DC&MA Department hi a ranglama chawlhsan turin kan phut tlat a ni" an ti.
"Minister Pu R. Lalzirliana'n deuhsawh leh hmusit taka ADC mipuite a tih laia LADC Area atanga MLA Pu H. Biakzaua Deputy Speaker, Lawngtlai East bialtu erawh, MLA a thlangtlingtu ADC mipuite tana bei let ve ngam lo a, a ngawi reng hi mak kan ti a, ram leh hnam tana ding ve ngam lo ah BJP Lai Autonomous District Hqrs: Lawngtlai chuan kan ngai a ni" an ti bawk.
Post a Comment