February 28, 2023 (Rauthla) : Chakma District Congress Committee chuan hun hmasa lama Congress Sorkar laiin Autonomous District Council (ADC)-te Sixth Schedule siam that a, thu neihna lian zawk min pek tumin Amendment Draft pawh siam a ni tawh tih an sawi a. ADC-te dinhmun siamṭhat nan Pu Lal Thanhawla leh Pu CL.Ruala khan 'recommend' min ziah sak nghe nghe, an ti.
CDCC chuan, Mizoram sorkar Council of Ministers Meeting August ni 17, 2017-a neihah pawh khan ADC ten sum tam zawk kan hmuh theihna tur leh, thu neihna lian zawk kan hmuh theih ngeina turin min pawmpui thu 'resolution' an 'passed' tawh a ni, an ti a. India ramah UPA sorkar Congress Party kaihhruai kha Central lamah a tlak tak avangin Mizorama ADC-te tana hmalakna a hlawhtlinna kan hmu hman ta lo a ni. A hmaa hmalakna kal zelah ni 24.01.2019 khan Union Cabinet Meeting in 125th Constitution Amendment hmanga ADC-te hnena thu neihna lian zawk leh sum tam zawk pek a rem tih thu kan hre zui ta a ni, an ti.
CDCC chuan hemi kaihhnawihah hian Parliamentary Standing Committee din niin, an zir chiang a, Delhi Parliament Committee Room-ah leh Guwahati Hotel Raddison Blue-ah Meeting an ko a, hetah hian Mizorama ADC aiawhte pawh an tel tih sawiin, Pu R. Lalzirliana'n he Meeting-a tel ve anga Assembly House-a a insawi kha dawt a sawi a ni, an ti.
CDCC chuan "Minister R. Lalzirliana'n a dinhmun sawi mam nana Assembly House chhung ngeia dawt sawi pawh a hreh lo kha a nihna atanga ban tlak a ni. Congress sorkar lai khan Parliamentary Standing Committee kha an la din hman lo a ni tih hre bawk se kan duh" an ti.
Post a Comment