Aizawl South-II Bialtu MLA in MUP Aizawl South-II conference hmanpui

Aizawl 20th February, 2023: Aizawl South-II bialtu MLA Pu Lalchhuanthanga chuan MUP, Aizawl South-II Area Conference, Model Veng Presbyterian Kohhran Hall-a nghah chu a hmanpui. Aizawl South-II MUP Area Conference hi session thumah ṭhen a ni a. Inthlan, rorel leh kum upa chawimawina hunah te ṭhen a ni.

Pu Lalchhuanthanga, MLA chuan, "Kum upate hi kan hnam rohlu inni a, kan ram leh hnam kaihruaina atan intawnhriat hi a pawimawh em em reng a ni. Kan ramah kum upate inkawm hona emaw a bika inenkawlna emaw kan la siam ve thei lo a. Kan society mila kan thiam dan hi a la tawkah kan ngai rih pawh a ni mai thei e. Hun a lo kal zel ang a, kum upate tan a bika inenkawlna hi kan la neih a la ṭul ngei ang. Mihring chu inzir reng tur kan nih avangin kan dam chhung hian inzir tawp a awm lo a, inzir peih apiang an ṭha rei a, natna bik kan nei a nih loh chuan Mizote’n tar at kan tih pawh hi an nei ve ngai lo a ni. Hun awlah lehkha chhiar tam ila, kan thluak kan hman reng hian hriselna bakah tar atna lakah min veng thei a ni,” a ti.

Pu Lalchhuanthanga chuan Aizawl South-II Area chhunga MUP member zawng zawng duhsakna a hlan a. Kum upate chawimawina thilpek a hlan nghal bawk a ni.

Aizawl South-II MUP Area Conference-ah hian kalkhawm ten zanriah hlim taka kilin hun an khar a ni.