Lawngtlai, January 24, 2022 : Lai Students' Association, General Headquarters, Lawngtlai chuan vawiin khan kum 2023 atan an office an hawng.
Vawiina Electric Veng, Lawngtlaia an office hawnna programme hmannaah an President Pu F. Vanlalruatpuia chuan Samagra hnuaia Lawngtlai District atanga zirtirtu 41 lai attached chhuah, State sawrkar hnen a dah let tura an ngenna chu tun thlengin chhanna a la awm lo tih a sawi a. LADC hnuaia School thenkhat zirtirtu tlem lutuk avanga School defunct lek lek ngai khawp a awm te chu LSA chuan a pawi a ti a, hma a la dawn tih sawiin, Gov't Region High School a zirtirtu indaih lohna hnawhkhat tura an ngen pawh a chhanna an ngaichang reng a tih sawiin, a hlawhtlin nan theihtawpin hma kan la dawn a ti bawk.
LSA President chuan "Lawngtlai District chhung hmasawnna atan a PMGSY Scheme hnuaia road construction kalpui mek chu contractor thenkhat ten hna thawk mumal lova, an hnathawh a chhe le bawk. LSA chuan tha taka hnathawh a nih theih nan hmalak a tum a ni" a ti.
Vawiin Office hawnna hi Pu Eric Lalliankima, Treasurer in a kaihruai a, Sr. Adviser Pu F. Chanliana leh Legal Adviser Pu Lalbiakliana Mualchin ten thu an sawi bakah, Pu MC. Vanlalrova Lai GS in report a pe bawk a ni.
Post a Comment