Lawngtlai 25.01.2023 :  Finna leh hriatzauna hi research atanga lokal a ni a, a bing taka zirna- research chuan kan nitin nunah nghawng nei lo angin awm mahse, khuarei-ah changkanna hmasawn-na kawngah min hruai zel thin a ni, tiin Minister Dr.R.Lalthangliana chuan a sawi.

        Nimin khan Higher & Technical Education Minister Dr. R. Lalthangliana chuan Pachhunga University College Research Conclave 2023 chu PUC seminar hall-ah hawngin, khuallian a ni a. Dr. R.Lalthangliana chuan PUC in Reseach Conclave 2023 ropui tak mai a buatsaih a vangin lawmthu a sawi a. Tun dinhmuna research scholars 61 an nei thei leh thlatin International Research paper publish thei institution a nih avangin leh kum 6 kalta chhunga journal leh lehkhabu publication 750 chuang an nei thei hi hlawhtlinna ropui tak a tling a ni, a ti.

PUC hian Under Graduate course subject chi hrang hrang 23 zirna neiin, heng bakah post graduate zirna Mizo, Philosophy, Life Science, Geophysics department a nei hi hmasawnna nasa tak a ni a ti a. Session tharah Philosophy department ah PhD zirna tura ruahmanna awmsa pawh Mizo ten zirna lama finna kan neih zau nan rahbi pawimawh tak a ni tiin - Principal leh Faculty thahnemngai tak tak te chungah lawmthu a sawi.

Minister Dr. R.Lalthangliana chuan finna leh hriatzauna hi research atanga lo kal a ni a, a bing taka zirna- research chuan kan nitin nunah nghawng nei lo angin awm mah se, khuareiah changkanna hmasawnna kawngah min hruai zel thin a ni a ti a. PUC chu Central University funded a nih angin tun hnaiah faculty thahnem tak recruitment lak a ni a, 120 sanctioned posts ah 118 posts chu hnawh khat theia an awm chu a lawmpui thu sawiin faculty lak chungchangah a tam zawk mi 100 chu PhD nei sa a lak an nih avang pawhin kan thalaite zirna sang bawhzuia zir chhunzawm zel an tam tawhzia a lantir a ni, a ti a. NAAC Accredited A+ mai ni lo a, A++ hmuh belh zel tura tang sauh sauh turin leh research project 40 kallai mek leh research proposal an neih zawng zawngah duhsakna a hlan nghal a ni.

Post a Comment

Powered by Blogger.