Lawngtlai, November 30, 2022 : Vawiin khan Lai Autonomous District Council (LADC) Thlasik thutkhawm ni thumna leh a tawpna chu LADC Chairman Pu VL. Hmuaka kaihhhruaina hnuaiah chhunzawm a ni.

Pu T. Zakunga, Vawmbuk bialtu MDC Zawhna chhangin Land, Recvenue & Settlement department changtu EM Pu C. Hrangthianga chuan Diltlang South ramchhunga remeasument neih chu zawh a nih tawh thu leh remeasument area chhungah pass thar pek a awm loh thu a sawi a. Tuisentlang area Ngunlinga khua, Tuichawngtlang, M. Kawnpui ram Model leh Zochachhuah velah pass issue a ni a, dan ang thlapa issue a nih thu a sawi bawk. AOC Veng bialtu Pu LR. Dingliana zawhna chhangin Revenue EM chuan Mizofed Pump atanga Chandmary Thlanmual inkar, KMMTP road-ah mi 110 hnenah in hmun (ram) pek a nih thu a sawi.  

Transport department changtu EM Pu BN. Thangpuia chuan South Lungpher bialtu Pu C. Lalmuanthanga zawhna chhangin, LADC in dan a neih angin parking fee chu mumal taka khawn a ni tih sawiin, nipuiah zing dar 8 atanga tlai dar 6 thleng khawn thin a ni a, thlasikah zing dar 8 atanga tlai dar 5 thleng khawn thin a nih thu a sawi.

Chandmary bialtu MDC Dr. Lorrain Lalpekliana Chinzah zawhna chhang Pu V. Zirsanga, CEM LADC chuan, kum 2022-2023 chhungin LADC hnuaia thawktu dam lo te hnenah medical reimbursement atan cheng nuai 110 pek chhuah tawh a nih thu a sawi a, medical bill lut tawh atanga la pek loh thu Rs. 3,37,93,803 a nih thu a sawi bawk. Bill chungchanga harsatna awmte hi theihtawpa chinfel zel tum a ni, a ti bawk. 

November 28-30, 2022 chhunga neih LADC Thlasik thutkhawm (Winter session) ah hian starred questions 12 awmin chhan vek a ni a, unstarred 3 a awmin chhan a ni bawk, Official bill pathum; The Lai Autonomous District Council (Constitution, Conduct of Bussines etc) 4th  Amendment Bill, 2022 te, The Lai Autonomous District Council (Education & Human Resources Department, Group B& D Recruitment, 1st  Amendment Bill, 2022 te leh The Lai Autonomous District Council (Land Holding & Settlement) Bill, 2nd Amendment Bill, 2022 te chu sawihoa pass a ni.

Private Member Resolution pakhat awmin, 'Feacal Sludge Treatment Plant hmun tur ram pek vangin,  Lai Autonomous District Council chuan lawmawm a ti' tih Pu T. Lalengmuana, Lawngtlai-III bialtu MDC put luh  chu passed a ni bawk.

Post a Comment

Powered by Blogger.