Lawngtlai. November 7, 2022 : Pu L. Lawmkima Ex-EM, Adviser BJP Lai Autonomous District Hqrs: Lawngtlai chuan, hnam hmangaihna thinlung pu te tan chuan BJP hi belh tur party dik a ni a, Pathianin BJP hmang hian he hnam hi khaichhuah a duh a, mipuite pawh chu hun lo thleng tur atan chuan kan inbuatsaih a ngai a ni, a ti.
Vawiin ni 7 November, 2022 (Monday) khan BJP Lai Autonomous District ten Pathian hnena inhlanna hun leh political session neih a ni a. He hun hi Pu Zahlunthanga Secretary, BJP Lai Autonomous District in a kaihruai a, Pu F. Chhannawla Vice President in hunserh a hmang.
He hunah hian Pu L. Lawmkima, Ex-EM chuan, kan hnam leh ram hi chhan tlak ala awm a, vawiin ni a thangthar te hian hnam hi kan vei a hun takzet tawh a ni. Mahni tawng pawh hmang hleithei loin kan awm mek a, kan saltan mekna hi hrelo a, hnam veina thinlung neilo kan tam lutuk hi, a pawi hle mai. Kan rama Political party thenkhat hi chuan, hnam veina rilru hi an pu pha meuhlo niin a lang. Keini BJP te erawh chuan, hnam dinchhuahna tur hi kan thupui ber ni zel rawhse. Pathianin hnamah min din a, tawng hran min pe a, a humhalh a, tih hmasawn hi kan mawhphurhna a ni. Keini BJP te chuan chu kawng chu kan zawh mek a, Lai hnam leh ram tana ke pen awmchhun party kan ni, a ti.
Pu L. Lawmkina chuan, Sorkar na hun reilote kan chan ve chhung khan kan Council ah hnam tawng leh ziarang kan ngaipawimawh a, hnam tawng te pawhin nasa takin hma a sawn hman a ni. Mahse, Sorkarna te a lo inthlak a, vawiin niah chuan hnam tawng te pawhin hniam lam a pan leh ta. Hun reilote ah BJP ten Sorkar na fawng kan rawn vuan leh ang a, lai hnam hi a parvul leh dawn a ni a ti.
Post a Comment