Lawngtlai, October 1, 2022 : Vawiin khan Roreliana Futsal Ground, Lawngtlai Vengpuiah TVJ Futsal Tournament 2022 tan a ni a, he hun hi Pu Hc. Vanlalruatpuia, CYLA President chuan khuallian niin a hmanpui.

Inkhel tan hmaa inkhawm tawi buatsaihah, CYLA President chuan, Kristian nun dan mawi chawisang a, kan Hnam zia humhalh a, ram leh Hnam hmasawnna tura thawk ho kan ni tih kan hriat nawn fo a ngai a. Thalaite hian kan ram leh Hnam kan humhalhna kawngah tan kan lak a ngai a. Tunlai hian ruihhlo a hluar hle a, hemi laka kan fimhlim hi a ngai ta hle a ni, a ti. A bik takin thalai infiammite zingah ruihhlo laka fihlim kan nih a ngai a. Ruihhlo laka kan fihlim loh chuan hlawhtlinna tak tak kan nei thei dawn lo tih kan hriat a tha hle a ni, a ti bawk.

Thalai infiammite chuan mahni inthununna kan ngaihpawimawh ber a ngai tih sawiin, CYLA President chuan, eng lam hawi pawhin hma la dawn ila, taimak leh tumruhna kan neih loh chuan kan hah thlawn mai a ni. YLA in ruihhlo do kawngah hma a la mek zel a, hemi kawngah hian thalai Infiammite ruihhlo do kawngah tan kan lak ho a ngai a ni, a ti bawk

Inkhawm tawi buatsaih hi Pu Rohimliana, LDFA Futsal Committee Treasurer-in a kaihruai a, LDFA Futsal Committee Secretary F. Ramdinsanga'n report pein, Lalthatluanga (Match Commissioner) in player-te Oath Taking a neihpui.

TVJ Futsal Tournament 2022  hi October 1-6, 2022  chhunga khelh tur niin, he tournament-ah hian Affiliated Club 14 an tel a ni.

Vawiin inkhel result :

Hlimthla FC 13 - 4 Elpaso B' FC
Brave Heart FC 8 - 4 Peters FC
Die Squad FC 4 - 3 Electric Veng Grey FC

Post a Comment

Powered by Blogger.