Lawngtlai, October 1, 2022 : Nehru Yuva Kendra bultumin vawiin khan Zawlbuk Youth Club chuan Gov't Lawngtlai College-ah Clean India 2.0 hawnna an nei a. He hun hi Pu Joseph Lalhmingthanga Chinzah, General Secretary, Central YLA chuan khuallian niin a hmanpui a, Clean India 2.0 kalpui tura Cleanliness Campaign October 1-31, 2022 chhunga neih tur a Kickoff nghal.
Pu Joseph Lalhmingthanga Chinzah chuan, Lawngtlai College chu Lawngtlai District chhunga zirna in sang ber a nih thu leh a, a chhunga zirlaite pawh Lawngtlaiah chuan miin mi pangngaiah an ngai tih a sawi a. Thalaite chu Faina leh Thianghlimna ngai pawimawh tura fuih, 'Mahni fai mai a tawk lova, rilru leh ngaihtuahna thianglim leh fai neih hi a bul ber leh pawimawh ber a ni' a ti.
CYLA General Secretary chuan, CYLA in Ruihhlo dona kawnga hma a lakna kawng hrang hrangah pawh thalaite chu theihtawp chhuah a, zirna lamah hlawhtlinna an neih ngei theihna tura Ruihhlo laka fihlim ngei turin a chah bawk.
Vawiina Clean India Programme hawnna hman zawh hian kalkhawmte chuan faina hnatlang nei in hun an hmang chhunzawm nghal a ni.
Post a Comment