Lawngtlai, October 17, 2022 : Vawiin khan PM Kisan Samman Sammelan chu KVK Office, Lawngtlaiah hman a ni a, Pu T. Zakunga MDC, BJP State Vice President chuan he hun hi khuallian niin a hmanpui.
Pu T. Zakunga chuan, Pathianin mihring min siam chhan hi thu mai mai tur leh awm mai mai turin a ni lo a. Kan tihtheih ang tawk hna thawk turin min siam a, taima taka thawk thin te chu an hlawhtling thin a ni, a ti.
Khuallian chuan, Central a BJP Sorkar chuan kuthnathawktute thleng phak Scheme tam tak a ruahman a, hei hi a nihna tur ang takin kalpui a pawimawh a ni. Tanpuina dawngtute pawhin, kan dawn chhan ang taka hlawhtlinpui turin tan kan lak a ngai, a ti a. PM Kisan a la in register ve lo kuthnathawktute a tam thei ang ber in register turin a chah. Pu T. Zakunga chuan, vawiinniah PM Kisan sum cheng vaibelhchhe singkhat sangruk teh meuh mai PM Modi-a'n a release hi, thil lawmawm tak a ni. Chuvangin, mirethei te ngaihsaktu Central BJP Sorkar hi fak a phu takzet a ni, a ti.
Pu T. Zakunga hi BJP Lai Autonomous District Hqrs: Lawngtlai atangin hruaitu eng emaw zatin an tawiawm a ni.
Post a Comment