Lawngtlai, September 5, 2022 : Deputy Commissioner, Lawngtlai Pu Amol Srivastava chuan vawiina Teachers' Day-ah hian District chhunga zirtirtu zawng zawngte chibai a buk thu sawiin, zirtirtute chu zirna chauh ni lovin, naupang nunchang mawi leh dik kawhmuhtu an ni a ti.
Zirtirtu hna chu mitin nuna hmasawnna atana lungphum pawimawh a nih thu a sawi a, mi in hlawhtlinna eng kawngah pawh chang se, a bul berah chuan zirtirtu tha kaihhruaina hnuaiah a ni thin a ti a. Covid-19 avanga zirna lamin harsatna kan tawh laiin, sorkar chuan zirtirtute nen zirna chhunzawm dan tur a ngaihtuah zel a, Covid-19 zia hnuah zirtirtu ten hri avanga zirna khaihlak hliahkhuh turin theihtawpin hma an la a, an thawhrimna kan thlawpin, ka duhsakna sang ber ka hlan a ni a ti.
District Administration-in zirtirtute hmasawnna an ngaihtuah thu sawiin, Gurushala Training hmanga zirtirtu ten hma an sawn chu an tum a nih thu leh he programme hi zirtirtute pawhin hlawhthlak an ti hle a ni a ti.
Lawngtlai DC chuan zirtirtute zawng zawng a lawmpui thu sawiin, an inpeknaah lawmthu a sawi a. Nangpang zirna chawisanna kawngah thahnemngai taka thawk chhunzawm zel turin zirtirtute chu a ngen bawk a ni.
Post a Comment