Rauthla, September 6, 2022 : Excise Minister Dr. K. Beichhua chuan MLP Act 2019 rules-ah Grape Wine chu telh tum a nih thu a sawi a, sawrkarin wine zawrh phalna rules a siam tur chu 'Grape Wine Rules' tih a ni dawn niin a sawi.
Aizawl West-III bialtu MLA Pu VL Zaithanzama leh member dang zawh belhna chhangin vawiin Mizoram Legislative Assembly thutkhawmah Excise Minister chuan, grape atanga wine siam phalna rules chu council of ministers in a pawm tawh a, Law department in a tih tur ang te a tih zawh hunah notication chhuahin, gazzete a nih tur thu a sawi a. Excise minister chuan Millenium Centre leh hmun dang atanga grape wine man te chu dan hnuaiah ngaihtuah a nih tur thu leh grape wine man sak neitute Rs. 3,000 chawitir chu MLP Act anga hmalakna a ni tih a sawi a, pek kir tur tihna a la awm lo a ti.
Excise minister Dr. K. Beichhua chuan May ni 27, 2022 ah Millenium Centre-ah Grape ni lo, Dragon bear, Soju (Korean wine), Dark wine, Kingfishers bear, White soju leh Mujak Soju te an man tel tih a sawi.
Grape Grower Society ten political party pathum; Congress, ZPM leh BJP atangin an remtihna an lak thu leh dan angin excise duty tax lak a nih dawn thu te, ram pawn atanga Grape lakluhte chu Wine atan siam phal a nih loh tur thu leh Mizoram thar chhuah chauh wine atan siam phal a nih thu Minister chuan a sawi.
Post a Comment