Lawngtlai, September 6, 2022 : Lawngtlai Police ten Lawngtlai DC Office telephone hrui rutu nia rinhlelh mi pahnih an man.
Hemi chungchanga vawiina Superintendent of Police, Lawngtlai Pu Rakesh Paweriya, IPS in thuchhuah a siam danin, August 27, 2022 zan khan misual tu tih hriat loh ten Lawngtlai DC Office Telephone hrui (20mts. - Rs. 52,000 man vel) an rubo tih thu Lawntlai Police Station-in an dawng a, report hi Lawngtlai Police ten bawhzui nghalin, thil tisualtu nia rinhlelh mi pahnih; Pc. Lalhriatpuia (25) s/o Pc. Zonuntluanga, Vengpui, Lawngtlai leh Lalmalsawma (35) s/o H. Rintluanga, Lawngtlai AOC Vengte chu man an ni.
Heng mi pahnihte hi thu zawh fiah nghal an ni a, telephone hrui hi an ruk ngei a nih thu an inpuang a. Lawngtlai Police Station Case No. 25/22 Dt. 28.8.2022 u/s 379 IPC ziah luh nghal a ni. An inpuan hnuah court-ah hruai niin, tunah hian District Jail, Lawngtlaiah dah luh an ni.
Post a Comment