Rauthla, September 23, 2022 : September 6, 2022 a VC By-election Congress VC member zawng zawng tlina khua Laitlang chuan nimin khan an chak lawmna an hmang a, he hun hi Lawngtlai West bialtu MLA Pu C. Ngunlianchunga leh LDCC hruaitu ten an hmanpui.
Bialtu MLA hian khawdang tlawh kualin, Tuisentlang khuaa Electric current luhna tur, a hruipuiin a daih lo chu a mimal sumin a ngaihtuah sak a, mi harsa zual Connection nei velo chhungkua engemawzat ten Connection an neih theih nan Electric bungraw chi hrang hrang Wire lian, Electric bulb, Switch, Holder, Flexible wire leh thil pawimawh dang tam tak ken thlaksakin, an hruaitute hnenah a hlan nghal.
He hun hmanpuitu Pu J. Ropianga Chinzah, President Lai DCC chuan, Vawinah VC election a kan chakna lawm thei tura ka awm ve hi ka lawm em em a, he khua VC seat za ah za kan la thei hi in inpekna inthawhrimna rah liau liau a ni a, in vai a chungah lawmthu ka sawi leh ni se, tin, in hriatreng tura ka duh chu nakum MLA election-ah kan sorkar ngei ngei a rinawm a, kan MLA hi in lo tih tlin leh chuan Cabinet Minister a ni dawn a ni tih hria i la, phur takin hma i la sauh sauh ang u, a ti.
Lai DYCC chuan, MLA Fund, sorkar pawisa awmsa ringawt hmanga bial mipuite enkawl lova, mahni mimal sum hmanga luang chhuak fo thin MLA kan nei hi vanneihthlak kan tiin kan chhuang tak zet a ni, an ti a. Pu C. Ngunlianchunga hian Burma ram buai avanga raltlan lo lut te chhawmdawlna kawngah pawh a ma bial chauh ni lovin, Mizoram dung leh vang hmun hrang hrang kal kualin, Tuichhak lama kan unau raltlan awmna khuate pawh tlawh chhuakin, an harsatna zawnah mimal sum tam tak hmangin a lo tanpui tawh bawk a ni, an ti.
Post a Comment