Lawngtlai, September 27, 2022 : Primary School Teachers Association General Headquarters Lawngtlai leh Sub-Headquarters Sangau te chuan vawiin khan Chief Executive Member LADC Relief Fund-ah cheng 50,000 (Sing nga) an chhunglut.
CEM Pu V. Zirsanga chuan, sokar a tanga sum lo kalte chu head hran nei niin, a hmanna tur ruahman sa vek an nih avangin mi tam tak te CEM office-a manganga tlu lut thin te chu tanpui duh viau thin mah ila, harsatna tam tak kan tawk thin tih sawiin, 'vawiina PSTA te thil pek hmang hian mi mangang leh harsa tam tak kan tanpui thei dawn a, PSTA hruaitute leh member zawng zawng chungah lawmthu ka sawi tak meuh a ni', a ti. Pu V. Zirsanga chuan, CEM Office-ah mirethei leh chanhai zawk, chhawmdawl ngai tam tak an tlulut thin tih a sawi bawk.
CEM Relief Fund-ah hian PSTA Headquarters Lawngtlai hian cheng 30,000 leh PSTA Sub- Headquarters Sangau ten cheng 20,000 an chhung lut a ni.
Post a Comment