Rauthla, September 6, 2022 : Nimin khan PC Party elected Office Bearer te chu an President Lalhmangaiha Sailo chenna Tuivammit-ah an thukhawm a, he hunah hian an president chuan a a chawlh tur hi a puang a, thalai zawk kutah party kaiihhruai hna chu awm zawk se tha a tih vanga chawl tur a nih thu a sawi a. Senior Vice President Pu Vanlalruata hnenah PC Party hruaitu nihna a hlan a ni.
Lalhmangaiha Sailo-in a chawlh tur thu a puan takah hian September 7, 2022 (Nilaini) khian an party kal zel dan tur relin meeting an ko nghal a ni.
Pu Lalhmangaiha Sailo chuan MPC Party leh PRISM Party inzawm hnua PC Party an nih hnuah kum 3 chhung President a chelh chhunga amah thlawp tu a thawhpuite leh mipui an party vote tu te chungah lawm thu a sawi a, Politics a luhna chhanah ram hmasawn a duhzia sawiin a Pa Brig T. Sailo in a duan te chu tih hlawhtlin ngei a duh tih a sawi a. Pu Lalhmangaiha Sailo chuan ram leh hnam tan theihtawpa beih zel a tum tih a sawi a, kum upa lam alo nih tak avangin thalai zawka hruaitu nihna hlan anih thu sawi bawk.
Post a Comment