Lawngtlai, September 13, 2022 : Nimin khan Lawngtlai khawpui chhunga bawlhhlawh sawngbawl leh thliar hran (solid waste management) chungchang ngaihtuahin Bawrhsap Pu Amol Srivastava hovin Lawngtlai DC Conference Hall-ah LADC-a Local Administration Department changtu Executive Member Pu C. Rongura, state sawrkar leh LADC hnuaia a kaihhnawih department official-te ab thukhawm.
He hunah hian Lawngtlai khawpui chhung bawlhhlawh khawn khawm dan leh thehthang dan thlir ho a ni a. Felfai leh kawngkal nei zawka bawlhhlawh sawngbawl leh thliar hran a nih theih nana hma lakna tur hrang hrang sawi ho niin, Lawngtlai khawpuia chengte'n tawih thei paihna leh tawih thei lo paihna bawlhhlawh bawm hran an neih theih dan tur te, bawlhhlawh tawih thei leh tawih thei lo a hranga lak khawmna tur lirthei ruahman a nih theih dan tur te, bawlhhlawh tawih thei leh tawih thei lo paihna leh sawngbawlna tur ruahmanna chungchang te sawi ho a ni.
Post a Comment