Lawngtlai, September 13, 2022 : Lawngtlai Fisheries Department chuan State Sorkar Flagship Programme, SEDP atangin Sangha chi, man tlawm zawkin an hralh chhuak.
Fisheries Department hian tun thla chhungin SEDP hnuaiah Sangha chi nuai khat leh sing sarih, man tlawm zawkin Sangha dil nei hnenah an hralhchhuak a, Sangha chi hi pakhat cheng khat leh Duli zela hralh chhuah a ni.
Nimina Sangha chi pek chhuahah hian Lawngtlai khawpui chhunga cheng, Sangha dil neite pek hmasak an ni a, hemi hnu hian khawpui pawn, thingtlang lamah te an khua ah kal chilhin pek chhunzawm nghal a ni.
Tun tuma Sangha chi pek chhuahte hi Grass carp, Common Carp leh Katla a ni a, Lawngtlai Fishery Department hian Sangha chaw pawh man tlawm zawkin an lo pechhuak tawh a, hun remchang hmasa ah PMMSY Scheme atangin Sangha chi hi pekchhuah leh tura ruahman a ni.
Post a Comment