Lawngtlai, September 17, 2022 : Indian Swachhata League (ISL) Youth Rally chu vawiin khan Lawngtlai Helipad-ah buatsaih a ni a ni.

He Youth Rally-ah hian Lawngtlai District faina atana hma la tura inpe, Lawngtlai Warriors te an tel a. Lawngtlai Additional Deputy Commissioner Pu James Miahlung chuan ṭhalai kal khawmte hnenah thuchah tawi a sawi a. Youth Rally team leader, GRHSS NSS Programme Officer Pu Lalbiakzauva kaihhruaiin thutiam sawi rual a ni a. Hemi hnu hian Lawngtlai Bawrhsap Pu Amol Srivastava chuan rally hi a vai liam a ni.


Lawngtlai Warriors te hi hmun thumah inṭhenin, Lawngtlai khawpui chhunga kawng kama bawlhhlawh ṭawih thei lo (plastic) an chhar  fai a. Rally-ah hian mi 120 bawr vel an tel.

Mizoram Cleanliness Competition, 2022 inbuatsaihna kal zelah vawiin khan Lai Women Association, New Vengpui Branch; Lairam Isua Krista Baptist Kohhran Ṭhalai Pawl (LIKBKṬP), Shalom, Thingkah leh Ṭhalai Kristian Pawl (ṬKP), Electric Veng Unit te'n an veng chhungah faina beihpui hnatlang an thawk bawk.

Post a Comment

Powered by Blogger.