Lawngtlai, September 12, 2022 : Lawngtlai Police ten vawiin khan Power & Electricity Department, Lawngtlai bungrua rutu nia rinhlelh an man.

Lawngtlai Police te hian vawiin khan Pi Lalnghakliani, SDO P&E Department hnen atangin an Department bungrua Rs. 65,000/- man hu chu mi tu tih hriat loh ten an rukbo thu leh chhuichhuahsak tura ngenna an dawng a. Report dawn a nih rual hian thil sual ti tu hi zawn nghal a ni a, P&E Department bungrua rutu ni ngeia rinhlelh T. Lalchhanchhuaha (27) s/o T. Lalramzauva of Electric Veng, Lawngtlai chu man niin, a lakah hian Lawngtlai PS C/No. 37/22 Dt. 12.09.2022 u/s 379 IPC ziahluh a ni a, thil sual titu hi court hma a in lan tura hruai nghal a ni. 

Rukru kut atang hian Gusset plate - 40, Vibration dumper - 8, Stay hook - 2 leh Angle iron te hmuh let a ni.

Post a Comment

Powered by Blogger.