Lawngtlai, September 13, 2022 : Nimin khan LADC Golden Jubilee Celebration Committee chu an chairman Pu BN. Thangpuia, EM i/c Art & Culture Department, LADC hoin CEM’s Conference Hall-ah Golden Jubilee lawmna pui ber neih hun leh thil pawimawh dang a relin an thukhawm.
Meeting-ah hian LADC Golden Jubilee lawmna pui ber neih hun November ni 22, 23 & 24, 2022 ruat a ni a, heng nithum chhunga hun hman dan turte hi Programme Sub Committee kutah dahin meeting lehah a hman dan tur duanlawk thlirho theih nise, tih a ni.
Nimin Meeting-ah hian Golden Jubilee denchhena item neih dilna lehkha lut pahnih; LSA General Hqrs ; Lawngtlai atanga Jubilee puala Middle School zirlai tan ‘Spelling Bee’ buatsaih dilna leh Lawngtlai District Volleyball Association atanga Jubilee puala Volley Ball Tournament buatsaih dilna chu pawm a ni a. Hei bakah hian Central YLA nen tangdunin Cultural Competition lian tham tak buatsaih te, LADC hla leh Golden Jubilee hla hmanga Zaipawl intihsiakte, LADC chhehvel ‘Minority Communities’ ten item an neih theih dan tur te, Hmarchhak State ADC hruaitute sawm chungchangte sawiho a ni bawk.
Post a Comment