Lawngtlai Bawrhsap hoin Electoral Roll Revision chungchang sawiho a ni

Lawngtlai, September 22, 2022 : Lawngtlai DC Pu Amol Srivastava hovin vawiin khan Lawngtlai District Level Standing Committee on Special Summary Revision of Photo Electoral Roll 2023 leh Systematic Voters' Education and Electoral Participation (SVEEP) chu DC Conference Hall ah an thukhawm.

Vawiin Meeting-ah hian Lawngtlai DC Pu Amol Srivastava chuan Electoral Roll dik leh felfai nei turin Meeting a tel te chu theihtawp chhuah turin a chah a. Meeting-ah hian  Lawngtlai West Assembly Constituency huamchhung a Polling Station pariat, Rulkual, Thingkah, Chawngtelui, Diltlang South, Mautlang, Mampui, Bungtlang South-II leh R. Vanhne ah te Polling Station a hman thin chu Building dang remchang zawk a thlakna tur rawtna awm te thlirhoin, pawm a ni a, Election Commission of India ah thlak tur a ngen nise an ti.

Voter ID leh Aadhar thlunzawm mekah nasa zawka tan lak a ngaihtu Meeting-ah hian sawi lan niin, Election Office lamin Special Camp buatsaih a hma an lak thute, Voters Help line hmanga mahni a thlunzawm theih a nih thu te sawilan niin, uar zawka mipuiah zirtirna kalpui nise an ti.

Meeting-ah hian Systematic Voters' Education and Electoral Participation (SVEEP) hnuaiah Person with Disability District SVEEP Icon atan Lawngtlai Bazar a cheng HS Lalngaihzuala ruatna chu pawm a ni a, hei bakah hian kumtling chin ten Vote an neih ngei theih nan a hmalakna tur hrang hrang te sawiho niin, District SVEEP Plan 2023 chu thlirhoin pawm a ni bawk.