Lawngtlai, September 16, 2022 : Nimin, September 15, 2022 khan LADC Executive Committee chu Chief Executive Member Pu V. Zirsanga kaihhruaina hnuaiah CEM's Conference Hall-ah an thukhawm.

Meeting-ah hian LADC hnuaia Village Council Member-te chu an mahni chenna in (an mahni luahlai) chu House Tax an awl phalsak an ni a, Bungtlang South-I Village Council ten an dil angin an khaw hming Bungtlang South-I chu Bungtlang South tia thlâk remtih niin, Ngengpuikai Farmer Producer Company-in Seed-cum-Demonstration Farm, Mampui ram atanga 4 Hectares Pass siamsak tura an dilna chu a thuphungin remtih a ni a. hei hei concerned Department-in Terms & Conditions lo siam se tih a ni.

Solid Waste Management chungchanga hmalakna kalzelah LADC Office hrang hrang leh LADC buatsaih puipun khawmna reng rengah Plastic-a siam bottle hman khap nise tih a ni a, LADC Golden Jubilee denchhena Volley Ball Tournament buatsaih rem tih a ni a. Lawngtlai-V Primary School chu Council Veng Primary School-I tia thlak rem tih niin, LADC hnuaiah Law Committee mumal tak din nise meeting chuan a ti a, Law Committee Secretary atan, Joint Secretary (GAD) nise tih a ni bawk.

Dan anga Middle School din phalna dil School 7-te chu an dil angin Permission pek an ni. Chungte chu : 

(i) New Vision English School, Hmunlai
(ii) New Vision English School, Saibawh
(iii) New Vision English School, Tuichawngtlang
(iv) Baptist English School, Diltlang (S)
(v) Synod Home Mission School, Kawrthindeng
(vi) Paniel Comprehensive School, Sabualtlang
(vii) John F. Kennedy English School

Meeting chuan Primary School din phalna dil School 22 te erawh a hmuna zirchian phawt nise an ti.

Post a Comment

Powered by Blogger.