Rauthla Editorial, September 23, 2022 : Vawiin, September 23, 2022 hi YLA Ni pawimawh, YLA Day a ni a, khawpui chhung leh khawpui pawna YLA Branch hrang hrang he ni pual hian hun an hmang dawn a. Branch thenkhatin intihhlimna ten an hmang dawn a, Branch thenkhatin khawtlang tihfai leh thildangin an hmang ang.
YLA Day a lo thlen hian tunlaia YLA member ten kan tlakchham lian tak ni mek, khawtlang veina leh tlawmngaihna hi kan nun pui thar leh a ngai takzet. Social media in min chiah hneh nasat lutuk tawh avangin khawtlang veina kan tlachham a, tlawmngaihna awmzia kan bosan mek. Hei hi vawiinnia YLA Day a lo thlen hian YLA member ten a thara kan nunpui leh theuh nan hma i la ang u.
Nu leh pa ten kan fate khawhar in leh thlan laihnaa kal aiin changkanna kan zirtir a, tunlai khawvela hmasawnna ban phak tir tumin hman kan la nasa hle. Hetih lai mek hian kan fate hian tlawmngaihna leh khawtlang veina an hlamchhiah tulh tulh tih hi kan chhut a ngai.
Post a Comment