Niawhtlang, September 23, 2022 : Vawiin khan YLA Niawhtlang Branch chuan YLA Day vawi 48-na chu ropui takin an hmang a, he hun hi Central YLA President Pu Hc. Vanlalruatpuia chuan khuallian niin a hmanpui a. CYLA President hi CYLA CEC member Pu Malsawmtluanga Hlawnchhing leh Pu Lalropuia ten an tawiawm. 

CYLA President hi Khuallam nen ropui taka lo hmuakin, hnamlam leh ziarang hrang hrang he hunah hian entir a ni. Central YLA President Pu Hc. Vanlalruatpuia chuan, Laifate hi sawrkarna hrang hrang hnuaiah pawh awm mah ila, unau kan nihna hi kan theihnghilh tur a ni lo, a ti a. Kan hnam nunzia chawinung zel turin kalkhawmte a chah bawk.

Niawhtlangah hian YLA hi Branch 2 awmin, Branch hnih hian a rualin Niawhtlang YLA Playground-ah hun an hmang a. Section hrang hrang ten inelna neiin, zanlamah Variety programme an la hmang dawn.

YLA Niawhtlang Branch tena YLA Day an hman hi YLA Sub Hqrs. Siaha hruaitu į¹­henkhat te pawhin an hmanpui bawk.

Post a Comment

Powered by Blogger.