Mampui, September 23, 2022 : YLA Mampui Branch chuan vawiin khan YLA Day vawi 48-na chu ropui takin an hmang a, he hun hi Central YLA General Secretary Pu Joseph Lalhmingthanga chuan khuallian niin hun a hmanpui.
Mampuia YLA Day hmanna hun hi Game & Sport Chairman Pu F. Lalkhawpuizauva'n kaihruaiin, Rev. Vanlalrema Renthlei, BCM Mampui Bialtu Pastor-in hunserh a hmang. Hun hmasa lamah kumina YLA member boral tate sunna hun hmanna neiin, Pu Pc. Lalhmunsanga (L) hriat reng nan a chhung ten YLA Section tinah tanpuina an hlan.
YLA Mampui Branch hian September 19, 2022 atang khan Section Sport an nei tan a, Indoor (Badminton) leh item dang bakah Volleyball khelh niin, vawiinah Ruakhahthlak, Hlado chham, Insuknawr final leh Football final (Men) te khelh a ni.
Central YLA General Secretary Pu Joseph Lalhmingthanga hi Pu Lalpuithanga Thangnget (Asst. Secretary, Art & Culture Sub-Committee), Dr. Lalnunpuia Chinzah (Dist. Council Veterinary Officer, LADC) Pu LH Zauva Chenkual, CEC member leh CYLA Office Secretary ten an tawiawm.
Mampuia YLA Day hmannaah hian zaithiam Lalzawmpuii, Lalhlimpuii leh Lalhriatpuii te an zai bawk.
YLA Mampui Branch hi Section pathum; Dopawrha Section, Tialpari Section leh Rothangliani Section-ah inthenin, a zavaiin YLA member 315 (Mipa - 215, Hmeichhia - 100) an awm mek.
Post a Comment