Aizawl, September 21, 2022 : Alzheimer’s & Related Disorders Society of India (ARDSI) Mizoram Chapter buatsaihin vawiin khan Aizawl Chanmari Veng atanga Millennium Centre thleng Alzheimer’s Day pualin Alzheimer’s natna vei mek te leh he natna vei boral tawh te hriatrengna atan Memory Walk a ni a. He hunah hian Social Welfare & Tribal Affairs Minister Dr. K. Beichhua chu khuallian a ni.
Dr. K. Beichhua chuan, Alzheimer’s chu thluak lam natna, tute pawhin an vei theih, keimahni leh kan chhungkua theuha thleng thei a ni, a ti a. A tihdamna awm lo mahse a enkawl dan kawngah te, chhungkua leh thenawm khawveng ten hriatthiamna thuk zawk kan lo neih theihna atan inzirtir a pawimawh a ni, a ti.
Alzheimer natna hi Mizoramah chuan thluak sawng natna tih a ni a. A tihdamna awm lo mahse a veite enkawl danah, chhungkua, thenawm khawvengte leh khawtlang hriatthiamna, enkawl thiamna leh intawiawm tawnna chu thil tul tak a nih avangin a ngaihventu pawl ARDSI hi din a ni a. Mizoramah chuan he pawl hi September 21, 2015 khan din a ni. He pawl hian Alzheimer natna sawihona leh a vei enkawltute zirtirna hun te a buatsaih thin a. A veite leh an dinhmun survey a nei mek a ni.
Post a Comment