Rauthla, August 9, 2022 : Vawk hri ASF avanga vawk suat sakte hnena zangnadawmna pek tur chu sorkar sum pek chhuah dan kalphung thar Public Financial Management System-ah harsatna a awm avangin a dawngtu turte bank account-ah dah luh theih a la ni lo.
AH&Vety hotute chuan vawk suat sakte hnena zangnadawmna an pek tur hi PFMS kaltlanga pek tur a ni a, PFMS lamah harsatna a awm avang hian an tum ang hunah an pe thei lo tih an sawi a. PFMS-a harsatna awm chhan hi sorkar laipui lam pawh zawh an nih thu leh tun thlenga chhanna an la dawn loh thu an sawi a. Beneficiary ten an sum dawn tur an dawn thuai theih nan Minister hova sawiho a nih hnuah hmun pui atangin a dawngtu turte direct-a pek tumin hma an la leh mek tih an sawi.
Tarlan tawh angin Vawk suat sakte hnena zangnadawmna pek tur hi July 26 khan AH&Vety Minister chuan a tlangzarh a, zangnadawmna pek tura ruahman hi cheng vbch. 10, nuai 48, sing 4, sang 2 leh zahnih a ni.
Post a Comment