Lawngtlai, August 26, 2022 : Vawiin khan Pu L. Daniala, Law & Judicial Department changtu EM chuan Law & Judicial Department, LADC buatsaih Lai Customary Law (Lai Miphun Phunglam) lehkhabu chu LADC Hall-ah khuallian niin a tlangzarh.
.jpg)
Pu L. Daniala EM chuan, Pathianin khawvelah hian hnam hrang hrang min din a, keini Lai hnamte pawh hi hnam kan nihna ang a kan dinchhuah ve theih nan leh kan hnam din ngheha a awm zel theih nana pawimawh em em mai, Lai Customery Law tha leh changtlung zawk kan lo nei thei ta hi hmansawnna ropui tak a ni, a ti a. Kan Dan neihte hi chhawmnunga tangkai taka hman a nih theih nan NGO te kan pawimawh em em rualin chhungkaw tin te pawhin mawhphurhna kan nei theuh a, kan inzirtir thin a ngai a ni, a ti.
Pu L. Daniala, EM chuan, Pu V. Zirsanga CEM kaihhruai Sorkar chuan Law & Judicial Department LADC pawh changtlung zawk leh tha zawka hmasawn tir tumin theih tawpchhuahin hma a la mek zel a, mipuite pawhin kan LADC hnuaia kan Court neih ten an tih theih ang angah hian chhawr tangkai tum thin ila, hmundang kan pan fo chuan kan Law & Judicial Department-te hlutna hi mi tam zawkin kan hre lo ang tih pawh a hlauhawma, chuvangin mipui ten kan pan hram hram hi a tul a ni. Kan NGO-te pawh hian hemi kawngah hian tan la thar ila, Law & Judicial LADC ten an tih ve theih chinah hi chuan i pan hram hram thin ang u, a ti.
He hunah hian Pu H. Lalruatkima President & Recorder, Law & Judicial Department, LADC chuan, Lehkhabu buatsaih dan leh hmalak dan hrang hrangte sawiin, kalkhawmte leh Customary Law Drafting Committee member zawng zawngte thawhrimna leh inpekna avangin lawmthu sawina hun a hmang a, Pu LH Ramdingliana, Assistant Arts & Culture Officer-in Lehkhabu thlir zauna leh thiltul dangte a sawi bawk. Lehkhabu man hi ₹.150 a ni.
Post a Comment