Rauthla, August 26, 2022 : Vawiin khan Pu Andrew Laltlanzara, EM i/c Education (MS), LADC chuan Ngengpuikai Middle School a tlawh a, zirtirtute nen inkawmhona an nei.
Pu Andrew Laltlanzara chuan, khaw pawn lamah zirtirtu kan indaih lova, Ngengpuikaiah pawh hian in indaih lo tih sorkarin a hria a, zirtirtu semrual turin sorkarin hma a la mek a. Zirtirtute pawh lak belh niin, Zirtirtu indaihlohnaah dah zel kan tum a ni a ti. Zirtirtute chu zirtirtu nihna chu an eizawnna leh hna a nihna angin an hnate taima tak leh thahnemngai taka thawk tura chahin, khawtlanga zirna hmsawnna turin zirtirtute in pawimawh hle a ni a ti.
Zirtirtute chuan an mamawh leh harsatna an tawh hrang hrangte Pu Andrew Laltlanzara hnenah hian an thlen a, EM chuan a theih chin chinah tihhlawhtlin a tum tih a sawi bawk.
Ngengpuikai Middle School-ah hian zirtirtu 6 an awm, zirlai naupang 23 an awm mek a ni.
Post a Comment