Lawngtlai, August 5, 2022 : Nimin khan CYLA Playground, Lawngtlaiah 75th India Independence Day Football Tournament chu khelh tan a ni a, he hun hi Pu L. Daniela, EM i/c PS LADC chuan khuallian niin a hmanpui.

Khuallian LADC a Executive Member (PS) changtu Pu L. Daniela chuan, Football hi eizawnna tling a ni a, hetiang a nih mek lai hiah tih tur tam tak kan nei a, harsatna tam tak paltlang a ngai a. Heng paltlang tur hian discipline neih that a pawimawh a ni a ti a. Infiamna leh ruihtheihthil chu chawhpawlh a rem lo a ti bawk. 

Pu L. Daniela chuan khelmual kan neih that hnuah infiammite an tlahniam deuha a hriat thu sawiin, Imfiammite chu hmathlir thui tak nei a, tum (goal) neia inkhel turin a fuih a, 'Tumruhna nen thahnemngai taka infiamna in kalpui chuan hlawhtlinna in hmuh ngei ka ring.' a ti.   

Lehkha zir ngawr ngawr hi eizawnna kawng zawhna a ni bik chuang lova, mahni line-a eizawnna nghet tak, chhungkaw chawmna kan neih chuan chu tluka hlu chu a awm chuang lo a ti a. Player-te chu dan hnuiaa in inkhel an nih avangin, referee-te thutlukna zah thiam tura chahin, hlawhtlinna chang ngei turin infiammite duhsakna a hlan bawk.

Nimin inkhelah hian Bazar Veng FC leh New Vengpui FC in hmachhawnin, hun pangngaiah 1-1 a inhnektawkin, Tie-Break ah New Vengpui FC ten 9-8 in hnehna an chang. 

Vawiin inkhel turte :

10:00am - College Veng FC vs Alpha FC

12:00pm - Logos FC vs RL FC

2:00pm - Electric Veng FC vs Council Veng FC

Post a Comment

Powered by Blogger.