Lawngtlai, August 3, 2022 : Lawngtlaia -III bialtu MDC chuan Hmar lam zaithiamte aiin kan Lairam chhunga kan zaithiam neih mekte an hniam bikna a awm lo a ti.
Nizan khan Lawngtlai -III Bialtu MDC - Pu T. Lalengmuana chuan MZI Hqrs. Lawngtlai tena Oldies Night, Central YLA Hall Lawngtlai-III a an buatsaihah khuallian niin a hmanpui a. Pu T. Lalengmuana chuan rimawi chu mi thenkhat in hmangsual mah se, mihring tana pawimawh tak a ni a, Pathian hian mihring tana thil pawimawh leh tangkai tak min pek chu rimawi a nih thu sawiin, ‘Khawvel awm tirh a ta leh tun hun thleng hian rimawi hian hmun pawimawh a luah zel a ni’ a ti.
Khuallian chuan, traditional music hi kan chawi kán zel a, kan Ram leh Hnam nih phung leh zia tih lan nan te a pawimawh em em a, thalai nun siam that nan leh khalhngil nan ram changkang zawkah te chuan Music hi an hmang mek a, Institutions te dinin an kalpui mek zel a ni a ti a. Tunlaia natna tlanglawn tak mai, anxiety te, depression te enkawl nan pawh rimawi hi thil pawimawh tak a nih thu sawiin, chutiang chuan Rimawi hi mihring nun a thil pawimawh tak, khawvela kan awm chhung atan anih thu a sawi bawk.
Nizana 'MZI Oldies Night' hmanna CYLA Hall Lawngtlai-III a neihah hian khuallian chuan MZI Hqrs Lawngtlai te hnenah hian thilpek a hlan a. Khuallian hi MNF Dist. Hqrs. Lawngtlai a Secretary Pu Laltlansanga leh Rochhingpuia ten an tawiawm bawk a ni. MZI Hqrs Lawngtlai te buatsaih 'MZI Oldies Night' hi zaninah a hmun ngaiah chhunzawm leh a ni ang.
Post a Comment