Lawngtlai, August 4, 2022 : Central Young Lai Association chuan naktukah hian Kumpuan hawnna an nei dawn. Kumpuan thupui hi 'Ram leh Hnam humhalh' tih a ni.
CYLA Kumpuan hawnna programme, naktuk tlai dar 3 a Areopagi Lawngtlai Bazara neih tur hi Central Y:LA Vice President leh CYLA Kumpuan Chairman Pu F. Lalrothanga'n a kaihruai ang a, Rev. Lalropeka Chinzah, Secretary, LIKBKTP in hunserh a hmang ang. Central YLA GS Pu Joseph Lalhmingthanga Chinzah hnen atangin introduction leh report ngaihthlak a ni ang a, Pu Lalngaihzuala Fanchun, Secretary, CYLA Kumpuan hnen atang Kumpuan Guideline sawihawnna ngaihthlak a ni ang.
He hunah hian Pu V. Zirsanga, CEM LADC leh Pu Amol Srivastava, Lawngtlai DC ten thu an sawi dawn a, Central YLA President Pu Hc. Vanlalruatpuia'n Kumpuan hawnna a nei ang a, Pu R. Lalrampana, CYLA Treasurer in lawmthu sawina a nei bawk ang.
Naktuka CYLA Kumpuan hawnnaah hian Latei Hringngen, F. Lalramhnaii leh Lalhlimpuii te an zai ang.
Post a Comment