Kawrthindeng, July 30, 2022 : Vawiin, July 30, 2022 khan Village Employement Council, Kawrthindeng huaihawtin Kawrthindengah MGNREGA hnathawh thlirletna leh hmalak zel dan tur chungchanga inrawnkhawmna neih a ni.

Vawiin inrawnkhawmna hi Circle VLAA Pu K. Thansiama'n kaihruaiin, Kawrthindeng VCP Pi Bansiti in inlawmna thuchah a sawi a. Khuallian Pu N. Lalzarzova MCS, BDO & Programme Officer (MGNREGA) R.D Block, Lawngtlai hnen aá¹­angin thu pawimawh tak tak ngaihthlak a ni.

Vawiin inrawnkhawmnaah hian MGNREGA,PMAY-G,PM-KISSAN leh MzSRLM hmalakna hrang hrang tarlangin inhrilhriatna neih a ni a. Resource person Pi Hc. Lalrindiki, APO (MGNREGA) hnen atangin infuihtharna leh hmalak dan tur inzirtirna hun neih a ni bawk.

Kawrthindeng VC Vice President Pu M. Zairemkhuma hnen atangin lawmthu sawina ngaihthlak a ni a, he inrawnkhawmna hi beneficiary ten hlawkthlak an ti hle a, hetiang ang Village level a inrawnkhawmna hun hi la hman ngai zen zen loh leh thil chhinchhiah tlak tak a nih thu ngaihthlak a ni.

Bru Students Association hnenah atangin mimal zai leh lam ngaihthlak a, thlirho a ni bawk.

Post a Comment

Powered by Blogger.