Pangkhua, July 04, 2022 : Vawiin khan Pangkhua-ah Dr. Lalrinkimi (Vetinary Doctor) Sangau leh Pu Vanlalhlimpuia Officer In Charge, Sangau Police Station te kaihhruainain Vawk 56 te chu ASF rinhlelh avangin tihhlum an ni.
Heng vawk suat phumna tur hian YLA ram, Thlanmual thlangah khur laih a ni a, hetah hian Vety Department hriatpuinain vawk suat te hi phum an ni.
Kar kaltaa Pangkhua a vawk 16 thi tawhte chu June 25, 2022 khan an sample lain hmunpui lamah test tura thawn a ni a, vawiinah a result hriain, heng vawk thite hi ASF hrikai ngei an ni tih finfiah a ni. Heti hian Pangkhua ah ASF avanga vawk thi 21 awm tawhin vawiina Sangau Vety Doctor leh Sangau OC te hmalakna a ASF kai natna lang chhuak tawh vawk suat 56 te nen Pangkhua ah hian Vawk 77 a thi tawh a, Sangau Ramhlun ah Vawk 5 an thi tawh bawk.
Sangau SDO (C) Pu Samuel Zodinsanga chuan Sangau leh a chhehvel ah hetianga vawk hri a leng ni a rinhlehna a awm ṭan tak avangin June 29, 2022 atang tawh khan Sangau leh a chhehvel khua Pangkhua, Thaltlang, Sentetfiang leh Cheural khua ah te Vawk talh khap in Vawksa leh Vawksa atanga thilsiam lakluh khapna a ti chhuak tawh bawk.
YLA Pangkhua Branch President Pu Mark-a chuan, vawk suat tur hi a la awm nual a rin thu a sawi a, khaw thenawmte pawh he hri lakah hian an him a rin loh thu a sawi.
Post a Comment