Lawngtlai, July 04, 2022 : Vawiin khan Pu V. Zirsanga, CEM LADC kaihhruaina hnuaiah LADC Golden Jubilee hman mek a Opening Ceremony hman zawh tak thlirletna neih a ni.
Pu V. Zirsanga, CEM LADC chuan, LADC Golden Jubilee Opening Ceremony hman zawh takah duhthusam lo lai hmuh tur a awm thu sawiin, function neihnaah Official-te an tel thalo nia sawiawm chu pawi atih thu sawiin, programme tan hun pawh a fuh loh deuh thu a sawi a. Main Celebration hmanna turah kawng hrang hrangah inbuatsaihna tha neih a ngaih thu a sawi bawk.
Vawiin meeting-ah hian Lawngtlai District Football Association ten Golden Jubilee Celebration Football Tournament buatsaih an dilna chu remtih a ni a, LDFA hruaitute leh Jubilee Celebration OB ten hma lain lo bawhzui se, an ti.
Jubilee Opening Ceremony hman zawh takah Rs. 21,49,988/- hman a nih thu meeting-ah hian tarlan a ni a, Jubilee lawmna pui ber chu November, 2022 ah nei tur ruahmanna siam a ni.
Meeting-ah hian Sub-Committee hrang hrang atangin report ngaihthlakna neih a ni a, Sub-Committee ten an sum hman dan report an pe bawk.
Post a Comment